یاصاح ضیم الــــــدهر طگنی ابعجل عاگبه
ماادری جور الوکــــت مدری المحب عاگبه
شایف ابروج البحر یـــــــسبح یظل عاگبه
الفوای حایر یضل بــــــــین الجرف منشله
وصوابه یـــــدی ویحن وین الیصح منشله
هدل امتونی الوکت مـــــــــامن اخو منشله
والله یاهل مـــــثل من تالی اجاه او عاگبه
الوکت شتـــــــــرید دوم اویای شرباک
اوتگلی امنل مرار او هضـــــم شرباک
اخوی الزرع بین احـــــــــذای شرباک
هطرنی او گعد یضـــــــــــــحک علیه
*الــــشاعر حـــیدر حامد الناصری*
ابحر حبک طـــــــــحت یفـــــــــــلان ودلی
اودیلــــــــک ادری بی مشـــــــــتاگ ودلی
اشـــــــکثر مکتوب الــــــــک ودیت ودلی
فرد مــــــــــکتوب هم کـــــــــــــافی علیه
*الــــــشاعر یابر علـــوان الرومیانی*
هم تدری ملـــــــــــــــــــکت الروح راعی
دخیلک یا وسیع العــــــــــــــــــــین راعی
قابل لو هلــــــــــک یرضـــــــــــون راعی
عدکم کون بـــــــــــس نــــــــــــسرح سویه
*الـــــشاعر صلاح الدین مـــــــرعی*
ترسلی اهموم خی وکتی دوالـــــــــب
یفر وینزل اعلــــــــــــیه دوالـــــــــــب
انکر زاد او ملــح خوته دوالـــــــــــب
اعله حلگه او تطبگ اضروسه سویه
***
الوکت بــــچفوف غدره یــــــــــمدانی
ابعد چن احــــــــــــــسن یـــــــــمدانی
اذا عوفن عـــــــمامی یــــــــــــمدانی
لفو تالی تره ایــــــــــــــسمون بیه
***
الزلمه الفوگ راسه صبــــــــــــح بیعار
ایتلاوه اویل یـــــــــــــعور زرع بیعار
کلام الومو ثمــــــــــین ایصیر بیعار
یعم عل گال ویذبه ابهـــــــــــــــبیه
***
ام الیف ما عاشـــــــــــــت بلالاف
حچیک وصل مضمــــونه بلالاف
اخوی اوما ابدلـــــــــــــنک بلالاف
گبل لاصیح تـــشگف گمت لــــــــیه
*الـــــــــشاعر هاشم دغاغلـــــــــــه*
من گلت اريد أمدح علي حسيت زعلت الولي
ومن گتله أنت الأولي گلالي كض السانك
گتله أسولف بلصدگ وأحچي ابخصالك يامحگ
ما أخرج الواقع أبد لازيد شئ ابشانك
گلي مثل موتة فلان ابهوسه سويتوله شان
و هوساتك انگلبن حطب گبره اشتعل نيرانك
وصعدتو شانه للسحب بسمه تمدحون ابچذب
وانت اللي صادق تندعي ليش افگدت وجدانك؟
گتله يحيدر تختلف أنت ابن عم و ولف
وانت نموذج للشعب ضرب المثل ايمانك
و لو أرد أخم كل الزمن ماألگه مثلك مؤتمن
ولو ردت أعدك بلشعر مقصود أعد احسانك
گلي اشبعت منك قهر! چم ليل گضيت ابسهر؟
و تتمثل ابصيتي ولك لو مثلي چان احزانك!
چاراحه ماضلت إلك حتى إشردو منك هلك
ولاعاشرت هاي الخلگ بس تلتهي ابأشجانك
ابخلف المنصه امن أوگفت آيه وروايه سولفت
وإبحي على خير العمل خالي صبح ميدانك
الچذاب للباري عدو وانت اللي بلچذبه كفو
يامستغابيت وگمت تاكل لحم خوانك
تلطم على احسين ابعزاء و تنسى دراسة كربلاء
و ياليتنا وياليتنا إمعلگهه طرف السانك
تدري إشكثر صابه سهم واشلون يافوخه انجسم
وتدري ابوقايع كربلا وتنعي و تجر بألحانك
وماتدري بي ليش انذبح واعليمن ابدمه سبح
ولاتدري چم ركعه الذي صلى ابشهر رمضانك
العباس گلك چم طلي اتخليهن امفطح إلي
حتى يحمدونك چذب وايشيع اسم ديوانك
وماتدري بلفقرا إبأساء تتغده ماعدهه عشاء
العنوان يمك موبعيد امجاور ابحيطانك
ولو ماتنفقه اللي محب البر أبد ماينكسب
ولوتچوي گصتك لاتظن روضه وجنان إمكانك
وإعله الظلم لوسلهمت عين الحقيقه و سلمت
شيطان ذاتا بلنفس مشبوگ أشوف السانك
شيطان لله اشگد عبد بس للبشر مارد سجد
وذاك اللي ميصلي بعد بيض وجه شيطانك
ماريد فضه لو ذهب خلو ضريحي من خشب
لو شوفن ابلايه عشا نامو ولد جيرانك
وماريد شيعه بس اسم لاريد اسلام الرسم
لوكون مسلم واقعي لو رد لأبوسفيانك
*الشاعر حجی عارف الخمیسی*
