ظبی الوادی الغده بحشای یرعه

من کوثر لمــا مرشفت یـرعه

اگله اگرب یگول الگرب یرعه

یرید وفر بعید وغدر بیه

 *****

ما فاده الحچی الواشی وبله

یوشی وحلف بل کعبه وبله

آنه وناگتی و ناهی وبله

نبچی و للموادع غدت لیه

*****

ارلــی مامشن لل باطل ولخطین

اتواضع صابن اهدافـی ولخطین

مـاگــولن ذهب انـــی ولخطین

خلقنه امنل ثره ربنــه ســــویه

*****

بیـتـک بالســـلف مابعـد میــلن

وحبــــّـک لیش گلبک علـی میلن

اسگینـی من لماک العذب میلن

جمـر شوگک حرگنـی او عمل بیه

*****

الدنیـــه خــت اخطلها بطــلها

و علی الحگ دوم مــــتجدم بطلها

 اهـــــیه الـی علـی بخلت بطلها

اشلــــون ابغیــــثها تهطل علیه

*****

حبیبي خیل هجرانک ترکباي

غدت وجفاک ألف علّه ترکباي

 الي لو ما تجي من أمشي ترکباي

 عله وجهي و یصیر اجنون بیّه

*****

(الشاعر ملا فاضل السکرانی)