قصیدة(یمه نام الولد یبنی)من کلمات الشاعر المبدع سید حسن الشریفی

یمه نام الولد یبني

چان عدنه الخير یمه...چان کل بیت ابسلفنه ایموت لو حطوله باب...

وچان عدنا الامل نور وتارس اعیون الشباب .

يمه چان الماي وافر والنهر من چان یجري المگبره یرویها روح...

وچان حچي الصدگ عود بکل شخص تلگا یفوح ...

چانت الوادم ییمه بخیر تحچی..وتظل تحچي

وچان بس الغیم یبچي ...

یمه لا تنده اجروحی ..من اسولفلک ییمه اتشیغ روحی ..

یمه هسه اذیاب تحکم..والسلف یولیدي غافی ..

وهسه وجه الشمس طافی ..

هسه بس موگد الذله بجمره دافی...

یبني هسه الذنب سیّد...کلها تتعنه وتجيله...

یبني هسه احچایت العاگل ثجیله..

یمه کل اسلال اهلنه انباگن وناطور گاعک بلحبس مهدود حیله...

والنخل یولیدی مات ..وذبل طور الغنوه بحلوگ الفلح ..

وهسه وجه الصبر یبچي وتضحک اخدود الجرح..

والملح ماعنده حوبه وبعد محّد یحلف ابروح الملح..

یمه حتی احروف اسمک بدلوهن..

یمه شمعات الحقیقه بچف ریاح الذل طفوهن...

یبني ارد اوصیک چلمه..یمه شعبک میّت ومسجون قلمه ..

یبني صوت الجهل نقمه ویمه درب العلم نعمه ..

یمه لو مامن علم ماتحیی ناسک ..یمه لو مامن علم مهبوط راسک..

یمه لو مامن علم تصبح ذلیل..یمه خصمک ذیب موحش..

یمه بس اسلاح قلمک یکسر اجدام الیعیل....



*  سید حسن الشریفی*

ابیات رائعه من الشاعر هادی الضبی

غیرک منهو الیسمع لونته

دلیلی وبل حنان اترف لوانته

تاخذهن یریم اسمع لوانته

تروح اروح وعیونی سویه

***

وره ضعنک یخلی العین تمطر

دمه وبلگلب من ارحلت تمطر

العگل بچفاک ثق یا ریم تمطر

شهگ یرجع لمن ترجع علیه

***

اذا ثوب المحنه لابسنته

تضن غیرک احبن لابسنته

لون تجرح دلیلی لابسنته

دوا عیونک لون اتصد علیه

***

جفیت او جفن ثق الشوف بیراک

او بیدای الگلب ولهجر بی راک

ماهمن تذبنی ابوسط بیراک

لچن هم الشماته اتکض ادیه

***

یدح هجرک علیه اسهام کلما

ذکرتک والمتن بجفاک کلما

تحن یلی رضاب اشفاک کلما

ازلال او بی دوا الدای المنیه

***

یگلبی افرح مدام افراح تلفیک

ضمیت اعله الترح والترح تلفیک

عگب ماهل دهر بل قهر تلفیک

حل فیک الأسأ او نارک سریه

*** 

الحادی بلیل حین الضعن بیحد

لچمنی الگلب سیف الهجر بیحد

گلت بلکت سفر خلای بیحد

ابعدو وخلافهم یتنی المنیه

***

انادی او ماترد لندای یلما 

تجینی او هجرک الدلال یلما

ورده انا او اصیح اعلیک یلما

اذبل لو یشح وصلک علیه

*الشاهر هادی الضبی*