ابیات من الشاعر الراحل ستار ابوسرور الصیاحی

من صغــــــــری الهظم والذل مبیته


وشخص المــــوفی ابیـــــتی مبیته


النشمــــی لو ســـقانی السم مبیته

السبب لن چی جسور وبیه حمیه

***

ابزود و عـــزم عل باطل هدینه


وعل ذل لا تظـــن لحظه هدینه


ابسهوله العزه ما جتنه هدینه

الهه ارواح یــــــوم الموزمیه

*الشاعر المرحوم ستار الصیاحی*

هوسات من الشاعر الراحل ستار صیاحی

البشر موته ابحیاته ایموت لکن الف خیعونه

ال عله الذل والهضم والعار ابد ما غمضت اعیونه

مو مره عدد مرات اهلنه ابهای وصونه

*هه. . . الخاین طایح فنـیانه*

*******

حر عیش ابحیاتک دوم بالک تقبل ابذلّک

والتاریخ خله ابزود ظهر الحمر یشهدلک

یبن عمی انته ادرا ابهای لکن هم اگللّک

*هه... اهلک لو ثـنو چتاله*

******

مثل اخوک آنه ابن عمک والاهل نفس الاهل

والصگیط ابزود عزمک ماثگل جداً سهل

هیچ اهل العگل گالو خلهه تدری اهل الجهل

*ها ... الحر مایبره امن اجناحه*

*******

علي الباطل ابشدة و زود ظهر الحــمر هدينة

و عل ذل و الهظم و العار صدگ عيب سكتينة

ابسهــولة العـزة ما جتنـة احنه الها تعنينة

*وبدم العز عنــزناها*

*******
الرجل ينعرف بالمعروف ما ينعرف بفلوسه

و هوسه التنشره و تنباع ابد ما تنحسب هوسه

المو گدها ابصريچ الماو تضل تترادم اضروسه

*و الگدها ايعيد بالضيجه*

********
الفخر مو لليحد السيف الفخر لچفوف التشيله

و توگف للاسم حراس عن لا بي تمر عيله

هاي اطباع اهالينه گبل هلهولت ام شيله

*تفزع لو شافت عياله*

*******
بالچ خل يضل مرتاح اخوچ احمود يا حمده

اذا واعد وعد تدرين لازم يــوفي ابوعده

اله تشهد ليـالي السود سيفه ما قفه ابغمده

*و اعله الذل ما غمضت عينه*

*الشاعر المرحوم ستار صیاحی*