هوسات رائعه من الشاعر حمید العیدانی

چف الأهواز إعله حيـــنه ظل یطش حسنه ابورد

الزود عبادان شافه إکحـــــــــــــیل مـــارده الطرد

والله لو یوم المحمره الــــــــــــــراد یدناهه البرد

مزوية الدورگ تدفـــــــــيهه

***

ناشدت دلة اهلــــــــــــنه اشبيچ لــــــــــيش امنگبه

و چن يفور الـغيض بيچ وبالــــــــــــهموم امعصبه

لن تگلّي اميـــــــسره تقبل هيــــــــــچ اروح امغربه

وي خــــــــــــصم الگــــــــــمگم زفوني

*الـــــشاعر حمــــــید العـــیدانی*

هوسات رنانه من الشاعر حمید العیدانی

بل ثقافه البعض گالت علم ابنک یاحمد

و لاتگول اکحیله اهلی تسبگ اعزوم الاسد

خلی قلمک بل ثقافه چنه من دربا ابتعد

(کون الهم مر ابتهالیه)

حمد متعلم هذنی و عوده بیهه امدرسه

اکحیلت اهلی هی الثقافه و المضیف المدرسه

ابنی علمته ابدروسی و گتله عگلک لو خطا

 

(حط چیله ابعگلک یاولیدی)

******

من شفت حيد المنايه ابگومي چن سار او حده

او طايح اببارح نوايب گلبي لم حيله النده

اتریگت کومت مآسي او صاير الهم الغده

(ومشوبح عینی إعله النيبه)

*****

امشوبحه اعيون القوافي امحمله ابکارت حزن

اوروحي چن ناگه ابدویّه  تاهت ابّيته او تحن

حضنت إگليبي النوايب نار تلهب بالگطن

(لاتطفی ولاني امطفيهه)

****

امحودب بيده عوچيته امشيب ينهت ابلوعه

أثاري دفتر المبيوگ شفته امهدله اضلوعه

گتله الچنت مثل الشاب جاوبني ابصدی ادموعه

(بايگني الیکســر بالساني)

*الشاعر حمیــد العیدانی*