هوسات من الشاعر حسین العگیلی

شایب عدنه بلدیره سئلته گتله یـــــــــــــــــایدی 

سولف علی وکت الــــفات لجل یکثرعلم عندی 

گبل الناس لطـــــــــــــایح تچیه اتصیریاولدی

والسائل محــــــــد رد ایده

***

گبل الناس گلی ابیت واحــــــــــد وفرد دشه

 ابفرد ماعون ماکوعـــــــــیب تتغده وتتعشه

 لکن هسه الاخو للمال یغـــــــلب خیه ویغشه 

 بس کونک لایــــــــــخسربیهه

***

نظیفه گبل عــین الناس واشـــــــــکبر الملح بخته 

اسف هسه ابوکاحة عین بعـــــضنا الملح نکرته

 گبل الخوه لجل العز هسه ابــــــــــــمال خوتهه

والما عنده الـــــــــکل اتعو فه

***

گبل عدنه البخت مــــــــــستورنحفظه اشماسدت عیله

 لچن هسه بطل الــــــــــــناس بختهه اتسحگهه ابلیله

 نگصدهه نطر ادروب لون تــــــــــنخانه ام شیله 

نگص اچفوف الــــــــــــمسوهه

***

گبل چنه ابیت واحد نفخــــــــــــر ابیت الــــــــگصب 

نحمد الرب ونشکره من یـــــــــــــصح عیش ورطب

 هسه رحمه خیریدی بس اســـــــــــــف بعض العرب

ماتـــــــــشکر ربهــــــا من انطاهه

*الــــــــشاعر حسیــــــن الـــعگیلی*

هوسات رائعه من الشاعر حمید العیدانی

چف الأهواز إعله حيـــنه ظل یطش حسنه ابورد

الزود عبادان شافه إکحـــــــــــــیل مـــارده الطرد

والله لو یوم المحمره الــــــــــــــراد یدناهه البرد

مزوية الدورگ تدفـــــــــيهه

***

ناشدت دلة اهلــــــــــــنه اشبيچ لــــــــــيش امنگبه

و چن يفور الـغيض بيچ وبالــــــــــــهموم امعصبه

لن تگلّي اميـــــــسره تقبل هيــــــــــچ اروح امغربه

وي خــــــــــــصم الگــــــــــمگم زفوني

*الـــــشاعر حمــــــید العـــیدانی*

ابوذیه رائعه من الشاعر سامی عساکره

النوایب هــــــــــــــــدمن یاصاح حـــــــــیلای

الوی ولا عـــــــــضو ابهل جـــــــــــسم حیلای

احسن چــــــــــن جفاک انـــــــــــگلب حیلای

لدغ گلبی وشعل نــــــــــــیران بـــــــــــــیه

*الـــــــــــــشاعر سامی عســــــاکره*

قصیده رائعه من الشاعر حجی عارف الخمیسی

من گلت اريد أمدح علي حسيت زعلت الولي

ومن گتله أنت الأولي گلالي كض السانك

گتله أسولف بلصدگ وأحچي ابخصالك يامحگ

ما أخرج الواقع أبد لازيد شئ ابشانك

گلي مثل موتة فلان ابهوسه سويتوله شان

و هوساتك انگلبن حطب گبره اشتعل نيرانك

وصعدتو شانه للسحب بسمه تمدحون ابچذب

وانت اللي صادق تندعي ليش افگدت وجدانك؟

گتله يحيدر تختلف أنت ابن عم و ولف

وانت نموذج للشعب ضرب المثل ايمانك

و لو أرد أخم كل الزمن ماألگه مثلك مؤتمن

ولو ردت أعدك بلشعر مقصود أعد احسانك

گلي اشبعت منك قهر! چم ليل گضيت ابسهر؟

و تتمثل ابصيتي ولك لو مثلي چان احزانك!

چاراحه ماضلت إلك حتى إشردو منك هلك

ولاعاشرت هاي الخلگ بس تلتهي ابأشجانك

ابخلف المنصه امن أوگفت آيه وروايه سولفت

وإبحي على خير العمل خالي صبح ميدانك

الچذاب للباري عدو وانت اللي بلچذبه كفو

يامستغابيت وگمت تاكل لحم خوانك

تلطم على احسين ابعزاء و تنسى دراسة كربلاء

و ياليتنا وياليتنا إمعلگهه طرف السانك

تدري إشكثر صابه سهم واشلون يافوخه انجسم

وتدري ابوقايع كربلا وتنعي و تجر بألحانك

وماتدري بي ليش انذبح واعليمن ابدمه سبح

ولاتدري چم ركعه الذي صلى ابشهر رمضانك

العباس گلك چم طلي اتخليهن امفطح إلي

حتى يحمدونك چذب وايشيع اسم ديوانك

وماتدري بلفقرا إبأساء تتغده ماعدهه عشاء

العنوان يمك موبعيد امجاور ابحيطانك

ولو ماتنفقه اللي محب البر أبد ماينكسب

ولوتچوي گصتك لاتظن روضه وجنان إمكانك

وإعله الظلم لوسلهمت عين الحقيقه و سلمت

شيطان ذاتا بلنفس مشبوگ أشوف السانك

شيطان لله اشگد عبد بس للبشر مارد سجد

وذاك اللي ميصلي بعد بيض وجه شيطانك

ماريد فضه لو ذهب خلو ضريحي من خشب

لو شوفن ابلايه عشا نامو ولد جيرانك

وماريد شيعه بس اسم لاريد اسلام الرسم

لوكون مسلم واقعي لو رد لأبوسفيانك

*الشاعر حجی عارف الخمیسی*

مقطع جمیل جدا" فی حق رسول الله(ص)من الشاعر فرج الموسوی الدنیناوی

قبل کان الوکت مخنوق

و الدنیا الکبیرة من الظلم سودة

و قبل کانت سکارا الناس

محد عرف معبودة

تالی اللیل لن النور

شع من بیت عبدالله علی کل الکون

و الشیطان ذل

او خضعت اجنودة

ویوم آمنة جابت رسول الله

علامات النبوة اتلوح بزنودة

محمد قبل آدم

کان بلتورات و الانجیل

وبکتب الیهود اوصافة موجودة

یا امة محمد هذا اکبر عید

صلو علی الرسول ابیوم مولودة

*الشاعر فرج الموسوی الدنیناوی*

بیت رائع من الشاعر جاسم عنافجه

ماهمن بل الـــــــــــــم همیت بـــــــــــــل لوم

وشغلتی ابوصـــــــــــــــط یم الـــــمحن بلوم

غدت هســـه الزلم بلــــــــــــــــــــوم بــلوم

الــــــبعض منهه حشـــــــــــــــاهه الکثریه

*الــــــــــشاعر جــــــــــاسم عنافــــجه*

ابیات ابوذیه رائعه من الشاعر محمد النیسی

الــــیرید ابضدی یـتکلم سم انه

اشربه اوموت الــــــه یمطر سمانه

ربنـــه اهوای حبـــــانه سمانه

الــــعرب اهل الــکرم واهل الحمیه

***

سألـــت الشیب شنهو انـــــته شبانی

ابـــراسی اومــــــادریت انه شبانی

علیه ابـــــــربط رد الــــی شبانی

حبیبک شـــــــال حزنّــــــه اثـنیه

*محــــمد الـنیسی*