حچی الزین اله شرای و تتعنز قوافیه

وهوسه الزینه للیزال تصبح یهلی روحیه

 الحچیک لوردت شرای هوس بل فلاحیه

حتی الشیاب ادچ بیهه

*******

من اگلک دیربالک لو اکرهک ماگلت

   فرق عن ذاک الیگلک ردت اگلک بس طحت

  شور عگلک و اخذ رایه لون یوم اتمشکلت

مفتاح الحیره ایسمونه

********

آنه من العرب أهلي ادروس کثره اتعلّمت

و  اعلی شي الماعرفته ماهو عيب امن اسئلت

عالفتن ماعلموني ولا علی الگال او گلت

مابيع الدر عالفحّامه

*******

آنه کل العرب أهلي و معروفين أهلنه أطياب

و انا اتفاخر و اشيل الراس طاريهم لون ينياب

ما راح البخت  موجود بعده البخت  بالشيّاب

 و نتباها ابشيّاب الديره

******

مامات العمل شي الزين ومن الشينه ير ايده

و تدري اليحچي بالمعروف کل الوادم اتريده

وراک احساب من اتموت البشربس زينته اتفيده

لو حل اکتابه يم ربک

********

ال مايضم سر ال أخوته راسه خالي امن الفهم

و ما يحصل ابکان يگعد بالمضيف اويّه الزلم

الرجل شخصيته اعتباره ال مايطشر بس يلم

احچي السر يمه و امّن بي

********

شي الّي تشوفه العين فرق ع ال يسمع ابذانه

و حچي بلا فعل شيفيد بس ايتعّب السانه

تدري اشگالت العگّال کلمن جمع خوانه

بالطگ ماطاحت عصاته

*******

چف ال ما يشيل سلاح العيب ابزند راعيّه

و عصّا ال ماترد عيّال اکيد بعسر محنيّه

اگلک : يَالتريد افياي بهلک گوم سد فيّه

اهلک لو يتک لاتحتار

*الشـــاعر مــحسن فـــرحانی*