بفراش النبی اتعرفون منبات

وبگلب الیضده الحقد منبات

تدرون اشخلف الکرار منبت

اصیله و زاچیه وحره وابیه

هون مضیفی لوتمر یردملک

حب وحنانی ولجفن یردملک

من اهجرت هذاالگلب یردملک

آه اباثر آه اشجراله اتفطر

وحگ الفاگد الیمنه ویسره

ضعنه ویلخصم زامط ویسره

الوکت ماهمنی ابعسره ویسره

یهمنی الاخولوبایع خویه

منک بدوه ردنه موبدینه

علیک او تدری نهوه موبدینه

علیش اترید تجفی موبدینه

مشوار الوفاءوعهد الخویه

شخص الباع اخوته ماعده

ویه الزلم غیره وحمیه ماعده

ماعید صدگ هل حچی ماعده

حیث الگلب منه ابجمر یتوجر

من مثلی علی المحبوب یندم

ومن مثلی عشگ مایوم یندم

یخل منک رسایل شفت یندم

علیهن مو دمع کاتب تحیه

 

الشاعر سلطان الزهیری